غير.....اتغير.....اتحدي

غير.....اتغير.....اتحدي

في المقال الي فات كلمناكم عن القيادة

ده لينك المقال https://www.facebook.com/smartbusinesscourses 

حد فاكر قلنا في ايه عن القائد الناجح  ؟!

النهاردة موضوعنا بردو ف النجاح...بس النجاح الذاتي...تحدي النفس

------------------------------------------------------------------------------------

“If something that you’re doing doesn't challenge you, then it doesn't change you.” Unknown

بطبيعة الحال، كل واحد فينا عنده فرصة للتحسين من نفسه وتنمية مهاراته، 

والقاعدة بتقول انك لو مغيرتش من نفسك، فمش ممكن يتغيير وضعك في الحياة.

فعلياً احنا محتاجين جرعة صحية من الضغوط الحياتية تخلق لنا حالة من التحدي، الحالة دي هي الي بتخلينا نكمل ونتحمل المصاعب الي بتواجهنا.

طيب..نقدر نقول اننا بنقيس نجاح الانسان مننا بناءاً علي التحديات الي بيحطها هو لنفسه مش بس الي بتواجهه بالصدفة. 

وعليه..الانسان عشان ينجح ..محتاج يتحدي نفسه اصلأ !!  

طب ازاي...؟!

1. اتعلم حاجة جديدة 

خد كورس في أي حاجة تزود بيها ماراتك..لغة مثلاً ، كورس كمبيوتر، دبلومة في الإدارة.........

مش بس عشان تحطها في الـ C.V بتاعك  

الحاجة الجديدة دي حتفتحلك مجالات أوسع لتحسين نفسك،للشغل

مش بس كده انت ممكن تتحدي نفسك وتحترف الحاجة دي وتعلمها وتكسب فلوس منها 

حتتعرف علي ناس جديدة يدخلوا حياتك وتستفاد منهم لما تدرس الحاجة دي في مكان بيعلمها. 

2. خايف من حاجة..اعملها  

اعمل الي بتخافه لمده خمس دقائق مش اكتر يومياً لمدة أسبوع،

وياريت متيأسش من اول محاولة لانه حتبقي اصعب محاولة 

مرة ف مرة حتقول للخوف "باي باي"  

3. لو عندك هواية ... اتعلمها واحترفها 

خد بالك..اوعي تكون الهواية دي نفسك مجال عملك..لان المفروض ان الوقت الي حتقضيه ف الهواية دي يخرجك من مود الشغل وضغوطه. 

احترافك للهواية ممكن يكون مصدر دخل إضافي ليك 

يعني يبقي تقليل ضغوط، تحدي نفس وكمان فلوس زيادة 

4. احضر أي حاجة(مؤتمر-ندوة-حلقة نقاش-ورشة عمل-.....) ليها علاقة بشغلك ولو لمرة واحدة ف الشهر. 

حط هدف كبير تتحدي بيه نفسك في مجال عملك 

احضر، افهم كويس واسال كتير... مش عيب ع فكرة 

وانت هناك اتعرف علي الحاضرين معاك ولو عرفت توصل للي بيقدموا يبقي خير وبركة 

امشي بمبدأ “It’s not what you know, it’s who you know,”

5. اتعلم تحوش  

تحدي نفسك بانك توفر من الميزانية الحالية وتحط ميزانية أفضل لنفسك. ده في حد ذاته حيخليك تفكر في فرص افضل لاستثمار المبلغ الي انت وفرته !!!  

حدد اكتر حاجة بتصرف فيها فلوس..وشوف ممكن توفر منها ازاي..والي توفره خليه للطواريء او استثمره مش عيب بردو  

6. العب رياضة... 

أي رياضة ... حتي لو شوية سويدي ف البيت ، والموضوع بسيط مش مطلوب منك غير 9 يومياً بشكل مستمر ،حتخليك تكسر الروتين وتتحدي قدرات جسمك البدنية

حتساعدك في الحفاظ على وزنك 

حتظبطلك مودك من خلال إطلاق الاندورفين(هرمون السعادة).

7. سافر..واعرف ناس جديدة. 

مش لازم تسافر برة مصر..ولا حتي بين المحافظات..ممكن تروح أي مكان جديد متعرفوش جوة حتي المدينة الي انت فيها..اتحدي خجلك واتعرف علي الي شغالين ف المكان هناك 

◙ الخلاصة:-

- ثق في نفسك واتحداها

- كلنا محتاجين لتحدي جديد في حياتنا من وقت للتاني.

- جرب التحدي...في كل الأحوال...مش هتخسر حاجة.

** ودلوقتي كل واحد فينا حيقولنا ايه التحدي الي حيعمله بعد ما قرا المقال ؟!