ببساطة...ايه هي القيادة؟

◙ ببساطة...ايه هي القيادة؟

القيادة هي الأدوات والسلوكيات والقدرات التي يحتاجها الشخص عشان يكون ناجح في تحفيز الآخرين وتوجيههم. وبعبارة مبسطة، القيادة هي عملية التأثير في الناس وتوجيههم لإنجاز هدف ما

* في البداية وعشان نبقي علي نفس الخط ففي 4 حاجات لازم تعرفها عن القيادة:-

1- معظم الناس مش بيوصلوا للنجاح إلا من خلال مساعدة الآخرين، مع ان يمكنك اكتشاف مهارات القيادة بداخلك و الاستعانة بها!!2- جوهر القيادة شئ بسيط ، وهو تحفيز الأفراد لعمل أقصى ما فى وسعهم لتحقيق الأهداف.3- القادة يصنعون ولا يولدون ، ولو انت عاوز تكون قائدً اتعلم واقرا عن القيادة بنفس الطريقة اللى تعلمت بها المهارات الأخرى. 4- مش لازم تكون مدير عشان تكون قائدً، لا انت ممكن تكون قائدً فوراً !!ومن هنا بقي نسال بعضينا شوية اسالة..طب ازاي ممكن ابقي قائد فوراً وايه هي صفات القائد الناجح وياتري في فرق بين القائد والمدير؟!

* مين هو القائد الناجح:---------------------------• هو الي بيعرف يركز علي نقاط قوته الشخصية ونقاط قوة فريقه ويستغلها كويس جداً.• هو الي دايما بيبحث انه يكون وسط فريق ناجح ومختلف ، فيه صفات وقدرات ميقدرش القائد نفسه يعملها من غير ما يبقي قلقان من تفوقهم عليه ومش بس كده ده بيفضل يحافظ علي نجاحهم من خلال "التاثير فيهم-تحويل افكارهم لواقع-تفكيره في كل التحديات الي ممكن تواجه الفريق وتأثر عليه-بناء علاقات كويسة ومترابطة بين فريق العمل وبعضه"• هو الي بيفهم احتياجات فريقه كويس ويشتغل عليها عشان يزرع فيهم الامل ان بكرة احسن  وينمي في المتميزين منهم المهارات القيادية الفعالة عشان ينتج لنا قائد جديد. 

* ايه الفرق بين القائد والمدير:---------------------------------• القائد بيعتمد علي الارادة لكن المدير بيعتمد علي السلطة • القائد "بيعلم فريقه" ويطورهم ويبعث فيهم الحماس والامل لكن المدير" بيستخدم فريقه " لتحقيق أهدافه الشخصية ويبعث فيهم الخوف وعشان كده تلاقي دايما المدير بيبقي بس هو الي عارف الحاجة تتعمل ازاي.• القائد ب "يسأل-يطلب" لكن المدير بـ "يأمر".• القائد دايما كلامه بصيغة الجمع (نحن) ودايماً ينسب الفضل لغيره  لكن المدير دايماً يقول "أنا" وينسب الفضل لنفسه 

* الخلاصــــة:----------------• كل واحد مننا قائد في مكانه...بس.... لو هو عاوز يبقي كده  • اسلوب القيادة دي حاجة تخصك .. ملهاش كتالوج..ابتكر اسلوبك زي ما انت عاوز..المهم تبقي مقنع وتعرف تقود  

• القيـــــــــــــــــادة = توجيـــــــــــه

** ودلوقتي كل واحد فينا ممكن يسأل نفسه سؤال مهم :-
• يا تري انا قائد ولا مدير ؟!...لو شايف نفسك قائد قولنا ليه ؟! ولو شايف نفسك مدير تحب تتغير وتكون قائد مميز و ليه