اللى بيقولك هتتكلم انجليزي زى الاجانب فى 8 شهور بيضحك عليك !

اللى بيقولك هتتكلم انجليزي زى الاجانب فى 8 شهور بيضحك عليك !

ازاى تتعلم انجليزى صح ؟

شوفنا فى الفترة الاخيرة ناس كتير بتقول انك ممكن تتكلم انجليزى زى الاجانب فى مجموعة ورش عمل ( workshops) او فى خلال شهور قليلة 8 شهور مثلا او اقل. الكتير مننا مش قادر يفهم او مش قادر يصدق هل الكلام ده ممكن يحصل ولا هو مجرد كلام.

تعالوا مع بعض كده نحلل الكلام بطريقة علمية وموضوعية :

فى عالم اسمه ستيفن كراشين Stephen Krashen دا عالم لغويات وبروفسير فى جامعة جنوب كاليفورنيا واللى عايز يتعرف عليه اكتر يشوف الرابط ده:

http://en.wikipedia.org/wiki/Stephen_Krashen

العالم ده قضى حياته بيدرس ويقوم بعمل ابحاث فى مراحل اكتساب وتعلم اللغة التانية Stages of Second Language Acquisition وتوصل للاتى:

مراحل اكتساب اللغة التانية لا يمكن اتمامها الا من خلال اجتياز مراحل متعددة وهى بالترتيب:

• مرحلة ماقبل الانتاج اللغوى يعنى مرحلة الاعداد واسمها Preproduction وتستمر مدة 6 شهور

• مرحلة الانتاج اللغوى الاول Early Production ودى اللى الدارس فيها بيبدء فعليا التواصل باستخدام اللغة الانجليزية بشكل الى حد ما منضبط يعنى بيقدر يفهم كويس ويستوعب كلمات ويقدر يتكلم بس فى اخطاء بتتصلح مع اكتسابة المهارات فى المراحل التالية ودى بتستمر لفترة السنة الاولى من التعلم.

• مرحلة الطلاقة المتوسطة Intermediate Fluency فى المرحلة دى بيكون مستوى استيعاب الدارس ممتاز وكمان بيكون بيتكلم كويس مع وجود بعض الاخطاء القليلة جدا ودى بتاخد حوالى من بعد السنة الاولى إلى 3 سنين من التعلم المستمر للغة.

• مرحلة الطلاقة المتقدمة Advanced Fluency ودى اللى بيكون فيها الدارس وصل لمستوى المتحدثين الاصليين للغة او native speakers ودى بتاخد من 3 الى 4 سنين.

الكلام ده مش بس ستيفن كراشين اللى قاله دا مذكور بالتفصيل فى كتاب اسمة Classroom Instruction That Works with English Language Learners Facilitator's Guide

الكتاب ده بيتكلم فى نفس الموضوع وده لينك الكتاب للى يحب يعرف اكتر عنه

http://www.ascd.org/publications/books/108052.aspx

الكتاب ده هو كتاب خاص بتوجيه وتعليم المتخصصين فى تدريس اللغة التانية (الانجليزية) وبيوضح المراحل الخاصة باكتساب اللغة اللى بيبنى عليها المدرس خطة التدريس الخاص

احنا فى Change بنؤمن بالدراسات دى وبنطبقها يعنى احنا بتوع كورسات فعلية عندنا 2 مستوى للمبتدئين و16 مستوى للدارسين من المستوى الاول وحتى مرحلة الطلاقة المتوسطة وعندنا كمان بعد كده 4 مستويات لمرحلة الطلاقة المتقدمة وكمان عدد لا نهائى من المستويات الحرة اللى بتخلى الدارس يمارس اللغة ويحافظ على مستواه المتقدم.

يعنى بعد كده محدش يقولك هخليك تتكلم زى الاجانب فى ظرف شهور قليلة او من خلال ورش عمل مع اجانب فى اسابيع معدودة. انت كدا عندك المعلومات وانت اللى تقدر تختار.

المقال الجاى هنتكلم فيه عن القواعد Grammar وهل هى ضرورية لدراسة اللغة التانية ولا ممكن ندرس اللغة التانية من غير دراسة قواعد Grammar .

استنونا المرة الجاية.