كله فوتوشوب

كله فوتوشوب... :)

بعض الناس فاكرة انه لما يحط صورته علي إى خلفية وخلاص أو إنه لما يفتح البرنامج ويستخدمة يبقي دخل عالم الجرافيك!!

طب الاول يعنى ايه جرافيك ؟؟؟--------------------------------
كلمة جرافيك أصلها جراف (graph) وهو الشكل البياني الملون اللي من خلاله بنحول الافكار الي رسومات بيانية وصور بصرية توصل للمتلقي المعلومة بسهولة وبسرعة .
طب ايه علاقة الفوتوشوب بالكلام دا وبيخدمه في ايه ؟
الفوتوشوب (او متجر الصور ) من اسمه هو برنامج متخصص اكتر في الصور وتعديلاتها وهو واحد من ضمن برامج انتجتهم شركة أدوبي المتخصصة في البرامج دى (adobe) وبتطلعهم علي اصدارات كل اصدار بيبقي فيه خاصية جديدة أو أدوات بتزودها عشان تحسن من شغل البرنامج وتطورة والشركة كل فترة بتنزل اصدار من مجموعة البرامج دى وبتديها اسم زي CS او creative suite او CC او creative cloud.
و البرامج دى بتساعد بعضها عشان تستخدم في مجال ما كل واحد في تخصصة ...
طب ايه هيا المجالات دى؟

اولاً:تصميم المواقع:
▬▬▬▬▬▬▬▬ودا من خلاله اقدر أصمم صفح المواقع اللي بتظهر علي النت عشان يحصل بعد التصميم برمجة للتصميم دا ويتحول لموقع جاهز للعمل , والفوتوشوب فيه بيدخل معاه بعض البرامج اللي بتساعده زى الدريم ويفر والفاير ووركس وغيره.

2- تصميم المطبوعات والعلامات التجارية:
▬▬▬▬▬▬▬▬▬▬▬▬▬▬▬▬زي تصميم اللوجوهات والكروت الشخصية والمجلات وغيرها وطبعا اهم برنامج فيها الفوتوشوب وبتساعده Illustrator - In Design - Free Hand وغيرهم.

3- تصميمات ثلاثية الابعاد 3D:
▬▬▬▬▬▬▬▬▬▬▬▬وبيستخدم فيها الفوتوشوب بشكل بسيط بس البرنامج الاساسي فيها هو ال 3d Max وفي الاغلب دا بيهم المهندسين.

4- تصميم الاعلانات التليفزيونية والمونتاج:
▬▬▬▬▬▬▬▬▬▬▬▬▬▬▬▬▬ودا بينقسم لبرامج بتعمل حركات بالاشكال والكلمات والصور زى الافتر افيكت وغيرها وبرامج المونتاج زي البريميير في الادوبي ومن الشركات غير ادوبي السوني فيجاس وغيرها .

5- تصميم الكارتون والخدع السينيمائية:
▬▬▬▬▬▬▬▬▬▬▬▬▬▬▬▬ودا بيستخدم فيه برامج كتير زى الفلاش في الادوبي وغير ادوبي في سينيما فور دي وغيرها .

◄ طيب اعمل ايه لو عايز ادخل مجال من المجالات دى:
- أول حاجه اختار مجال تكون بتحبة واعرف عنه تفاصيل اكتر .
-اتفرج علي شغل ناس كتير في كل المجالات دى عشان تحدد انهى مجال يناسبك اكتر.
- بعد ما تحدد مجالك اقرا فيه اكتر وشوف فيديوهات لناس اشتغلت عليه علي النت .
- مرحلة التقليد بتبقي مرحله قصيرة ولازم تحاول تضيف عليها جديد يميزك ويزود ابداعك .
- دايما حاول تطور نفسك .
- اهتم بمعرفة الالوان لانها اساس توصيل الشكل وانجذاب المشاهد ليه والطبيعة اكتر مكان فيه الألوان ودايما اعرف مدلول الالوان دى ايه .
- حاول تخلي شغلك منظم وحددله مكان في جهازك عشان ترجعله في اي وقت.
- كل شخص بيتعلم بيبدا من الصفر وبعدين يحترف فمتقللش من شغلك بالتعود والاصرار النجاح اكيد.
- Save ثم save ثم save عشان شغلك ميضيعش.
- اقبل دايما النقد من المتخصصين.
- خلي خيالك واسع وجرب كل الافكار واتحدى نفسك.
- العميل دايما علي حق ( مش في كل الاحيان ).

طيب ايه الاماكن اللي اقدر اشتغل فيها الشغل دا ؟
شركات دعاية مثلا او تشتغل بالقطعه من البيت وتسوق لشغلك جوا وبرا مصر.
معني كد اي حد ممكن يبقي مصمم جرافيك محترف؟
لا طبعا قبلها لازم يبقي عندك موهبه وابداع وبعد كدا تعرف الادوات الللي حتساعدك وتدريبك الكتير هو اللي حايخليك تطلع شغل يعجب العميل ويخليه يطلب منك تصميم تاني وتبقي مصمم محترف فعلا .

◄لو مهتم تكون مبدع فى مجال التصميم، احضر دورة ال Photoshop مع Change
بنظام face 2 face واللى بيوفرلك تدريب أكثر و أسرع لأنه بيكون بينك وبين المحاضر فقط
◄ مدة البرنامج: 10 ساعات تدريبية (بتقدر تنسقهم حسب وقتك المناسب).
◄ قيمة الاستثمار: 600 جنية تشمل المادة العملية والشهادة الدولية.

اتصل الان على 16104 - 01145666000
أو سجل على http://goo.gl/Y2lR7f