تعالو مع بعض نعرف أزاى نخطط تخطيط أستراتيجى؟

بتعرف تخطط ؟؟ عندك مشروع صغير أو شغال فى شركة كبيرة ياترى خططت لايه عشان مشروعك دا ينجح ؟ وازاى تضمن إنك ماشى فى المسار الصحيح؟ طيب عارف شركتك خطتها أيه وعملت أيه عشان توصلها؟

عارف تخطط لمستقبلك؟؟؟

تعالو مع بعض نعرف أزاى نخطط تخطيط أستراتيجى؟

◙ فى البداية هنعّرف أيه هو التخطيط الاستراتيجى؟؟

- تستمد كلمة الاستراتيجية من الكلمة اليونانية Strategos أى فن إدارة وقيادة الحروب.

- إستراتيجية علم التخطيط بصفة عامة هي مصطلح عسكري بالأساس وتعني الخطة الحربية، أو هي فن التخطيط للعمليات العسكرية قبل نشوب الحروب، وعقب نشوب الحروب. وتعكس الإستراتيجية الخطط المحددة مُسبقاً لتحقيق هدف معين على المدى البعيد في ضوء الإمكانيات المتاحة. 

- تعود أصل الكلمة إلى التعبير العسكري ولكنها الآن تستخدم في مجالات مختلفة زى استراتيجيات العمل استراتيجيات التسويق...الخ. وبيجاوب على سؤال "إلى أين نحن ذاهبون" 

 ◙ هو فى فرق بين التخطيط التقليدى والتخطيط الاستراتيجى؟؟

أكيد فى فرق كبير بين النوعين هناخد مثلاَ نقطة الاختلاف فى فترة الخطة هنلاقى ان التخطيط العادى بيحط خطة على المدى القصير اما الخطة الاستراتيجية بيركز على الخطط على المدى البعيد 

التخطيط العادى بيركز على حل المشاكل الموجودة امامه الان اما التخطيط الاستراتيجى بيركز على حل المشكلات ودعم الامور او الاشخاص بإيجابية بحيث مش تتكرر تانى.

◙ ننتقل لاهم نقطة وهى أزاى أضع خطة استراتيجية.. سواء فى شغلى او البزنس الخاص بيا أو حتى لمستقبلى ؟؟ بداية التخطيط الاستراتيجى بيتقسم لاربع مراحلة 

*المرحلة الاولى: تحديد الرؤية والرسالة والقيم:-

1- الرؤية: هى نظرة بعيدة المدى فلابد ان نكون على علم برؤيتنا تجاه شركتنا او مشروعنا التى نريد عمل خطة له (أنا شايف المكان دا أزاى قدام) وطبعاً الرؤية عشان تبقا جيدة لازم يبقا ليها مواصفات خاصة بيها.

2- الرسالة: هي مرحلة تحدد الغرض من وجود الشركة فى شكل عبارة قصيرة مختصرة فهي تصف المؤسسة اليوم وكيف ستمضي لتحقيق رؤيتنا؟ وطبعاً الرسالة عشان تبقا جيدة لازم يبقا ليها مواصفات خاصة بيها.

3- القيم: هى المبادئ والمعايير الاخلاقية التى ترتكز عليها الشركة ليلتزم بها كل العاملين بها بداية من صاحب العمل الى اصغر عامل.

*المرحلة التانية : التحليل الرباعى أو SWOT analysis :-

بعد ما حطينا رؤيتنا ودعمنا الشركة بالقيم والرسالة الخاصة بينا ننتقل لتحليل وضع الشركة الداخلى والخارجيى والهدف منه هو أنى أحقق التناسق بين أوجه القوى والضعف والفرص والتهديدات التي تواجه الشركة و وضعهم في إطار واحد لتحديد الاتجاه العام للشركة واستراتيجياتها المستقبلية.

وبتتقسم لعوامل داخلية وهى نقاط الضعف والقوة الخاصة بالشركة. وعوامل خارجية وهى الفرص المتاحة فى السوق لاستغلالها والتهديدات الى بتواجه نشاط الشركة وبيعوقها عن التقدم. وبعد كدا بنرسم امامنا المصفوفة دى وبنحدد على اساسها المرحلة التالتة

*المرحلة التالتة وهى تحديد اهداف الشركة او Objectives:-

الاهداف بنضعها بتخلينا نقدر ننفذ بمنتهى السهولة الرؤية والرسالة وهي كمان النتائج النهائية الى الشركة عايزة تحققها من خلال نشاطها والاهداف بتنقسم الى 3 انواع : طويلة المدى ومتوسطة وقصيرة المدى ... وطبعاً فى مواصفات معينة عشان الاهداف تبقا جيدة. واحنا بنحدد الاهداف بناخد بالنا من دور كل ادارة فى تنفيذها والى بتنقلنا للمرحلة الرابعة

*المرحلة الرابعة وهى تحديد الخطة الاستراتيجية للشركة:- 

  

وهنا هنختار من ضمن الخطط البديلة الى وضعناها لتنفيذ الاهداف الاختيار الامثل الى متوقع يحقق أعلى النتائج وفى اساليب كتير طبعاً فى تنفيذ الاستراتيجية وبنختارها طبعا على اساس وضع الشركة واهدافها وتوجهاتها

واحنا بنمر بالمراحل الاربعة أكيد هنلاحظ ان فى معوقات بتقف امامنا تمنعنا من تنفيذ الخطة زى.. الامكانيات المطلوبة غير متاحة الان، عدم وجود معلومات كافية، عدم وجود متابعة كافية للخطوات الى بتتنفذ ... وغيرها من الاسباب.

- بس ياترى ازاى اعرف اضع رؤية واهداف مناسبة لشركتى؟

- وازاى افرق بين الرؤية والرسالة؟

- وايه هى الاستراتيجية الانسب للاهداف الى هضعها سواء لشركتى او لمستقبلى؟

- وياترى انا اقدر اعمل خطة استراتيجية لشركتى أو لمستقبلى .. طيب هل الوقت فات على دا؟

◙ لو مهتم تعرف اكتر احضر معانا ورشة عمل التخطيط الاستراتيجي يوم السبت الموافق 18 ابريل فى فرع الدقى، 

فقط 250 جنيه، تشمل (المادة العلمية – شهادة دولية).

** اتصل بينا دلوقتى على: 16104/01145666000/ 01270666766